Poesie

ARCHIVIO

AJIVI DI TERRA  

 di  Massimo Mazzella

Ti schjatta lu cori,

si squagghja la peji,

sta peji chi cula 

sudura di sangu,

sudura chi linchji

sti vesti sciancati,

chi trasi nt'e carni,

gugghjenti di focu.

Ti doli lu hjancu,

ti senti schjancatu,

ti unchjanu puru

li pedi e li vrazza;

ma, cocciu pe' cocciu,

cu fogghji e cu petri,

si puru lu 'mbernu

li spaji ti serra,

tu resti mu cogghji

st'ajivi di terra!